Клопка за пионира и Donplaya & Bonpraskiza + DJ Inomatic на БОШ #9

15 септември МКЦ

[ ]

Мултимедијалниот арт фестивал БОШ најави уште еден промо фестивалски настан – РазГлас Трас БОШ9, кој на 15 септември во Младинскиот културен центар во Скопје во една вечер ќе ги претстави Клопка за пионира, заедно со Donplaya & Bonpraskiza + DJ Inomatic.

bosh9

Noise rock бендот од Панчево, Србија – Клопка за пионира се основани во 2003 година од Миле Мијатовиќ (глас, перкусии, автор на стихови) и Дамјан Бркиќ (гитара, машини, автор на музика). Од снимањето на албумот „Додоле“, бендот настапува како четворка (Мијатовиќ – Бркиќ – Шимиќ – Lenhart), развивајќи специфичен сопствен музички израз базиран на импровизација, бучава и „соработка со луѓе и машини“. Музиката на бендот често се опишува како неприфатлива, главно поради прекумерната бучава, дисонанца, непријатните вокали, како и непријатните теми за кои текстовите зборуваат. Клопка за пионира на БОШ доаѓаат и да го промовираат аудиофанзинот „Нервни гас из звучника“.

Посеби гости на настапот на Клопка за пионира ќе бидат господарите на bitchez and rhymes – Donplaya, заедно со Bonpraskiza и DJ Inomatic.

Во едицијата „Ремек дела“ – издавање на независни цртачи, БОШ ја продолжува акцијата со цртеж на Миле Ничевски – автор на цртежот за плакатот „Разглас“, а дизајнот е на Johanna Peresito – Johanna Marcadé-Mot. БОШ порачува: „Носете последна мода, купете си маички со цртеж на Кирчо и Миле и дојдете спремни за играње затоа што само така се издржува“.

 

17.11.2017

Кога нешто доаѓа „со љубов од Русија“, особено доколку е насловено „Нељубов“, тогаш мора да му се посвети особено внимание. Но, својата особеност рускиот режисер ...

17.11.2017

Секоја чест за селекцијата „Гала премиера“ во киното „Милениум“, во чии рамки на „Синедејс“ можат да се видат новите остварувања на ѕверки како Акин, Ханеке, ...