Еклектичниот Opium Hum доаѓа на Таксират

2 декември 2017 Капан ан 23:55

[ ]

Фестивалот на електронска музика, визуелни уметности и нови медиуми Desonanz и Таксират го најавуваат гостувањето на еклектичниот Opium Hum на 2 декември во клубот Капан ан.

first-mr._stangl

Opium Hum е музичкиот алијас на Michail Stangl, директор на Boiler Room Berlin и еден од највредните креативни умови зад кулисите на берлинската сцена, чија работа дозволува не само Берлин да остане неприкосновена претстолнина на електронската музика, туку и живо и креативно место каде артистите секогаш ја имаат безграничната слободата да играат, експериментираат и да ја реобмислуваат музиката на градот.

Како куратор на еминентниот фестивал за прогресивна уменост и музика CTM и голем број настани од програмата на Berghain и низа други клубови и фестивали низ Европа, одговорен е за голем број на интернационални проекти од областа на музиката, уметноста и музичката култура. Неговите DJ сетови се еклектична и забавна комбинација на авангардни звучни пејсажи измиксани со шаренолики ритми низ широк дијапазон на жанрови, звуци и музички ери – вистинско патување низ историјата, сегашноста и иднината на електонската музика.

Бас журката со Opium Hum е афтерпарти и официјален крај на ПИН музичката конференција, а на настапот во Капан ан ќе биде придружен од локалната бас сцена – домашните Pukka / D2, BTKRSH / и Kronom / BTKRSH /, како и легендите на саботните вечери во Капан ан – Hypertech / D2, BTKRSH / и Дарко Степиќ / D2, BTKRSH /.

Влезниците се 150 денари во предпродажба и 200 денари на врата.
 



12.10.2018

„Слугинки“ е една од најизведуваните пиеси во историјата на театарот. Напишана и изведена за првпат во 1947 година во Париз во режија на легендарниот Луј ...

01.10.2018

Јетон Келменди е поет кој првиот чекор во стихот го прави од стаменоста на молкот. Кога ја читаме неговата поезија имаме впечаток дека неговиот стиховен ...