Концерт на SUSIJAT во Ла Кања

26 октомври 2017 La Kaña

[ ]

Во четврток, 26-ти октомври, во интимниот простор на кафе-барот Ла Кања со концерт ќе настапат SUSIJAT.

SLK4

„SUSIJAT е бенд чија музика го зазема просторот помеѓу колективна импровизација и строга композиција. Со нивниот отворен пристап кон музиката што ја створаат, често е нејасно во кој правец ќе завршат нивните композиции, што и дава одреден квалитет на музиката како жива и менлива материја. Материја зависна од индивидуалните чувства и размислувања на музичарите и начинот на кои тие ги комуницираат истите меѓусебно, но и со слушателот. Динамичкиот спектар со кој располага оваа група е исклучително широк, и лежи послан помеѓу кршливото и грубото – од тивки и етерични делници до екстремно гласни и кондензирани звучни ѕидови“ – Дени Омерагиќ.

Лазар Дарковски, Никола Дрвошанов, Деан Змејкоски и Тодор Караколев ќе претстават песни од нивниот нов материјал за кој подготвуваат албумско издание.

Концертот е закажан за 21:30 часот, влезот е слободен.

 

13.07.2018

Рускиот академско-младински театар од Москва, улоги: Илја Исаев, Денис Шведов, Андреј Сипин, Рамилја Искандер, Александар Доронин   Третиот дел од оваа епохална сага на Том ...

11.07.2018

Оној кој го читал Господинов, го сака Господинов. Оној кој ја читал неговата „Физика на тагата”, е вљубен во романот. Оној кој ја гледал „Физика ...