Целовечерен џез-хепенинг со „Денес сè е џез“

30 април 2018 Македонска филхармонија 18:00

[ ]

Второто издание на манифестацијата „Today it’s all about jazz“ / „Денес сè е џез“ во организација на Здружението на џез-музичари и слободни уметници, ќе се одржи на 30 април во Македонската филхармонија. Со почеток во 18 часот, па до доцните вечерни часови, љубителите на музиката ќе имаат можност да уживаат во звуците на фантастични светски и домашни уметници.

TIAAJ

Главна ѕвезда на вечерта ќе биде еден од највлијателните џез-музичари во светот, американскиот саксофонист Дон Менза. Овој врвен уметник, кој е и композитор и аранжер, роден во 1936 година, создаде дела кои оставија силен печат на светската музичка мапа.

Како диригент, пак, ќе се претстави маестро Зиги Фајл од Австрија, кој настапи и на првото издание на Меѓународниот ден на џезот во Скопје. Светски реномираниот диригент и професор на Џез-универзитетот во Грац, се смета за едно од најистакнатите имиња кога станува збор за диригирање со биг-бенд состави.

Покрај Дон Менза и Зиги Фајгл, вечерта во Македонската филхармонија ќе настапат и два други инспиративни музички состави кои негуваат различен тип на џез-музика: Гоце Стевковски Секстет и Михаил Иосифов Квинтет од Бугарија. Бендот на познатиот тапанар и композитор Гоце Стевковски, ќе ги претстави најновите звучни остварувања.

Инаку, пред стартот на официјалната музичка програма, настап ќе имаат студентите од Џез-катедрата при Факултетот за музичка уметност во Штип, џез-ансамблите кои функционираат во рамки на катедрата за популарни жанрови при Факултетот за музичка уметност од Скопје, како и џез-хорот „Артизан“.

Неколку денови пред официјалната манифестација во Скопје, Меѓународниот ден на џезот со мини патувачки џез-караван ќе се одбележи и во други градови во земјава. На 26, 27 и 28 април во Охрид, Велес, Битола, Кавадарци, Штип и Прилеп, концерти ќе одржат шест фантастични македонски бендови: „Кабадајас“, „Летечки пекинезери“, Триото на Оливер Јосифовски, „Џезна“, Тони Китановски и „3јеct“.

Настанот е поддржан од Министерството за култура на Македонија, „Амстел“ и „Еуролинк“.

 

Have you tried love for change?

04.06.2018

Тумороид… Што претставува тумороидот? Некаква надеж? Проекција на нечие тело во иднината или тоа е едноставно слеп патник што присуствува на скопска свадба? (забрането ми ...

Политиката како дијалог на глуви или лоши судбински проценки
кон „Брегот на Утопија“ Бродолом

04.06.2018

Кон вториот дел од трилогијата на Том Стопард „Брегот на Утопија“ (Бродолом); режија: Алексеј Бородин, улоги: Илја Исаев, Денис Шведов, Нели Уварова, Алексеј Мјасников, Евгениј ...