Слушачка и концертна промоција на деби албумот на Pluto's Doubts „Сизиф“

4/12/2017 кино Фросина 23:30

[ ]

Во рамките на Таксират фестивал на 4-ти декември во киното Фросина, скопскиот квинтет Pluto’s Doubts ќе го промовираат својот долгоочекуван деби албум „Сизиф“.

PD-MKC
Pluto’s Doubts е музичка група од Скопје, која во период од две години помина низ неколку фази од аспект на звук, членство и чувство. Појдовната идеја е да овозможи слободен проток на креативна енергија, притоа мешајќи луѓе со различна вокација, ниет и табиет. Првите никулци од она што е денес албум, добија своја демо-форма во студиото на Нино Спиркоски. Материјалите беа пуштени есента 2015-та година, а во тој период уследија и првите настапи во живо. Прв значаен фидбек испровоцира синглот Супер Јупитер, чиј видео-запис е идеја/реализација на Александар Петков и беше дел од емисијата Videography, MTV Adria.

 


c

Клучен настан за реализација на „Сизиф“ е победата на Лузер фест во 2015-та, во организација на Password продукција. Во меѓувреме, како дел од наградата дојде и настапот на Exit фестивалот 2016 на Future stage-от, како и други помали настани од типот на „Што се тресе во МКЦ?“, „Земјотрес“ и вториот роденден на Reborn во Vinyl. Снимањето започна во Љубанци, во соработка со Ивица Јанкуловски (студио Alshar), а продолжи во „Подрумот“ со Ангел Ќосев и Лука Ѓоргиевски како главен продуцент. Нештата ја добија својата конечна форма во јуни годинава.

Албумот изобилува со идејна шареноликост. Ритмички, мелодиски па дури и во аранжманот на песните и нивната структура. Лирски, содржи траги на импресионизам и некаква интимна димензија, но истовремено е прилично отворен и живо кореспондира со социо-културното опкружување во кое музиката е создавана. Имајќи го сето ова предвид, Сизиф би требало да функционира како приказ на состојбата во духот на одредено време и простор.

Првиот сингл од албумот е песната Самоглад. Спотот е во режија на Борјан Стојков, и нему му го должи својот визуелен идентитет.

 

Супер Јупитер, Скржави Цртежи, Улај, Самоглад и уште 5 свежи композиции од деби албумот Сизиф вечерва во кафе-барот Винил ќе имате можност да ги слушнете први на Слушачката промоција. На промоцијата ќе се продаваат билети по цена од 200 денари за концертниот перформанс во најава на 4-ти декември.

Влезниците за промотивниот концерт можете да ги најдете преку продажната мрежа на МкТикетс со цена од 200 денари во претпродажба и 300 денари на денот на концертот.

Европската вожња на скопската линија
Кон фестивалот Cinedays 9-19 ноември

24.11.2017

Од 9 до 19 ноември, во организација на Младинскиот културен центар се одржа 16-то издание на меѓународниот фестивал на европски филм Cinedays. Овогодинешното мото на фестивалот ...

21.11.2017

На затворањето на „Синедејс“ во неделата се случи македонската премиера на „Исцелител“, дебитантското остварување на режисерот Ѓорче Ставревски, кој по долгогодишна работа на ова негово ...