SUSIJAT

Safety in Numbness

Во една тмурна ноќ на 3 декември 2013 четворица карактери одлучуваат да направат бенд и да ги соочат нивните различни музички диспозиции.

Планот е следен: преку импровизација во еден подрум во скопско Радишани да се дојде до песни, поинакви од тие кои дотогаш ги беа правеле во своите претходни состави – Кло, Jazz O’Nick, Новоградска и String Forces, овојпат провизорно и инстинктивно усмерувачки осмислени. 17 месеци подоцна, Деан Змејкоски, Борко Хаџиевски, Никола Дрвошанов и Лазар Дарковски изнедруваат 10 композиции во резултат слушлив на нивното деби – Safety in Numbness. „Ќе бидеме СУСИЈАТ“ – одлучува бендот да се именува според староприлепски израз за брусна хартија, а во таа насока некаде се движи и нивната музичката перспектива, како туробен дериват од нивните емпириски наследства, музика определена како содржина од комплексни и слоевити аранжмани наслонети на сугестивен вокал кој ја управува амбициозната инструментализација, згора на сé отпеан на недомашен англиски, којзнае зошто, nobody knows. СУСИЈАТ на деби албумот капитализираат 10 вонсериски звуковно продуцирани песни кои слободно можете да ги фрлите во фолдерот пост-рок екстравагаца. Право меѓу уши.

Саша Павловиќ | Коза Ностра | 31 декември 2015

Европската вожња на скопската линија
Кон фестивалот Cinedays 9-19 ноември

24.11.2017

Од 9 до 19 ноември, во организација на Младинскиот културен центар се одржа 16-то издание на меѓународниот фестивал на европски филм Cinedays. Овогодинешното мото на фестивалот ...

21.11.2017

На затворањето на „Синедејс“ во неделата се случи македонската премиера на „Исцелител“, дебитантското остварување на режисерот Ѓорче Ставревски, кој по долгогодишна работа на ова негово ...