YÖU - Концертна промоција на "We sing the blues" во МКЦ

Скопскиот бенд YÖU ќе го промовира својот прв албум We sing the blues. Концертната промоција е закажана за сабота, 21 јануари во 21:30 часот во бифето на МКЦ.

ymkc1

YÖU се млад бенд кој постои од 2015 година и досега имаат свирено неколку концерти во Скопје, како и во други градови низ Македонија. Моментално се во процес на букирање на нивната прва европска турнеа која ќе се одржи во мај 2017.

Албумот е снимен во Alshar Studio – Скопје, микс и мастеринг Ивица Јанкуловски – Шравче, во октомври 2016. Дизајн на омот: Марко Крстевски (Omowsky). YÖU го сочинуваат Марко Крстевски (гитара, вокал), Мартин Митевски (бас гитара, вокал) и Тејка Васиљевиќ (тапани, вокал). На самиот концерт ќе може да се набави и ЦД од новиот албум.

Билетите се во претпродажба само на касата на МКЦ по цена од 200 денари, а на денот на концертот по 250 денари.

Мицајков & Flooder | Nuttin But Moodymann Magic

14.03.2017

How Do U Get 2 Detroit Tribute It’s 2 Late 4 U And Me Mahogany Brown Shine Sunday Morning Forevernevermore Music People Rick Wilhite – ...

14.03.2017

Новиот албум на американската џез пејачка Стејси Кент (Stacey Kent) „What the World Need Now is Love“ (Candid, 2016) можеби ќе ги разочара нејзините почитувачи. ...