Sweet Rapscallions со деби албум

Осмо издание на незвисниот музички издавач Шарла во вид на деби албум на битолското дуо Sweet Rapscallions – Stereo Memory (Live at Kanal 103). Се работи за 6 песни изведени и снимени во живо во рамките на емисијата Ако никој не свири на Канал 103.

Sweet Rapscallions foto

Sweet Rapscallions се музичко крило на битолскиот арт-колектив „300 работи“ кој негува уникатен музички стил инспириран од авангардните движења во популарната музика од доцните 70-ти и раните 80-ти години на минатиот век. Се работи за мрачен роматичарски израз сместен во вешто исткаен амбиент од битови, теми и семплови во кои пулсира атмосферата на дваеасеттиот век од неснимените соништа на Кафка, преку noar-филмовите до индастриал и авант-поп естетиката. Сугестивниот вокал на Phill Refill е ноќниот шофер низ овој 38-минутен музички трип, а тапанот-мембранофон на Skate Mate одлично се вклопува во електронскиот колорит давајќи и ритуален карактер на оваа современа дистописка визура на светот во кој живееме денес.
Sweet Rapscallions се препознатливи и по нивните живи настапи каде настапуваат како фиктивни ликови, т.н. вселенски обредничари со карактер и аутфит инспириран од паганските традиции од пелагонискиот крај. Користат бор-машина, чекан и шајки, тапан и лаптоп.
Албумот може слободно да се превземе во период од 30 дена од Шарла профилот на музичката платформа Bandcamp веќе од утре во 12 часот.

21.11.2017

На затворањето на „Синедејс“ во неделата се случи македонската премиера на „Исцелител“, дебитантското остварување на режисерот Ѓорче Ставревски, кој по долгогодишна работа на ова негово ...

20.11.2017

На претпоследната вечер од годинашниот „Синедејс“ имавме несекојдневна можност да го гледаме долгометражното остварување едноставно насловено „Хармс“. Се работи за, воопшто, првиот игран филм за ...