Moodymann во Епицентар

MM_E

Kenny Dixon Jr. – познат како Moodymann е најенигматичниот и можеби најуспешниот house продуцент од Детроит! Неговиот уникатен избор на семплови и инструменти ја прави неговата музика различна од традиционалниот house звук. Дел од материјалот кој го продуцира може да се окарактеризира како „slow and moody“, но огромен дел и како “up beat and energetic”. Може слободно да се заклучи дека неговата музика е втемелена во духот на правецот soulfull house. Квалитетите кои ги поседува Moodymann и како продуцент, но и како DJ го сместуваат во категорија за себе! Многумина се обидувале да го следат неговиот стил, но без особен успех!
Мистериозниот Moodymann ја започнува својата кариера уште во раните 90-ти години, а во 1994 ја основа KDJ Records – неговата издавачка куќа за која го издава и првото EP: Moody Trax. Следува The Day We Lost the Soul која и денес претставува house класика, а е посветена на еден од неговите херои Marvin Gaye.
Тој е дел и од 3 Chairs – колаборација меѓу тројца од најдобрите DJ-и од Детроит заедно со Theo Parrish и Rick White.
Една од „контраверзите“ поврзана со Moodymann е тоа што тој низ целата своја кариера одбива да дава интервјуа и изјави и сака единствено неговата музика да зборува за него. А музичките критичари секогаш ја опишуваат како “ground breaking” и “brilliant” или музика од срце!

Moodymann ќе настапи на 18 март во скопскиот клуб Епицентар. Локална поддршка DJ Flooder и Андреј Мицајков.

1959: годината која го промени Џезот

17.06.2017

Вечерва со возбуда изгледав еден прекрасен шеесетминутен документарец насловен „1959: годината која го промени Џезот“, телевизиски проект од 2009 година на режисерот Пол Бернајс кој, ...

13.06.2017

Во најавата за претставата „Експеримент” стои: „Главна инспирација за претставата е книгата The Lucifer Effect на социјалниот психолог Филип Зимбардо, кој во своето дело ги анализира ...