Три години на Pata Pata Recordings

За само 3 години постоење, македонската етикета Pata Pata Recordings / Пата Пата стана најпродуктивна платформа за издавање на електронска музика на домашна и интернационална сцена. Од концепт во бренд, основана од Џорџ Тасев/Ted Dettman, Slaave Atanasov/Sal Sonder и Aleksandar AKi Hadji Jankov/HAAJ, колективот позади Пата Пата ја размрдува локалната сцена, поддржувајќи тукашни артисти преку издавање на нивен материјал на светски познати дигитални продавници како Beatport, iTunes, Spotify, но и преку букинг на истите на настани организирани од Пата Пата.

PP1

Авангардноста на овој македонски лабел е почитувана и кај бројни интернационални продуценти, диџеи и различни платформи за електронска музика, со фокус на жанрот техно.

Артисти од над 30 земји имаат издавано свој материјал преку Пата Пата, претставени во над 90 EPs, синглови и ремикси, и над 10 компилации достапни на територија на цел свет.

Музиката издадена преку оваа етикета зборува квалитет, што се познава и по поддршката од светски имиња од техно/хаус сцената кои преку своите радио емисии, сетови и настапи ја поддржале, а зборуваме за имиња како UMEK, Cristian Varela, Josh Graham/Quivver, Paco Osuna, Joseph Capriati, Marco Carola, Richie Hawtin, Spartaque, Paul Oakenfold, Pig&Dan, Judge Jules, Danny Tenaglia, The Advent, Maceo Plex и многу други.

Во својата трета година, агендата никогаш по креативна и амбициозна, со потпишувањето на британското дуо Spektre, како и легендарниот германски артист Lutzenkirchen, заедно со словачкиот артист PHNTM/Criminish, чии изданија претстојат во наредните неколку месеци, Pata Pata Recordings го зацврстува својот кредибилитет помеѓу квалитетните етикети од Балканот и пошироко.

По повод нивното тригодишно постоење и продуцирање, Pata Pata на 18-ти март организираат роденденска журка во клубот „Индустријал“ во Струмица.

 

[рецензија] War for the Planet of the Apes
режија: Matt Reeves

12.08.2017

Еден ден Andy Serkis (Gollum, King Kong) ќе биде номиниран за Оскар. Се надевам дека тоа ќе се случи токму за улогата на Цезар во ...

The Love Witch
режија: Anna Biller

21.07.2017

Хоророт често бил начин да му се погледне на табуто во очи. Во ера кога политички некоректните потези се дочекуваат на нож, хорор филмовите стануваат ...