Lord Finesse за првпат во Скопје

Еден од легендарните хип-хоп артисти и продуценти од Бронкс, Њујорк – Lord Finesse, за прват ќе настапи на овие простори во Денсинг салата „25 мај“ во Младинскиот Културен Центар во Скопје на 7-ми мај. Локална поддршка на Lord Finesse ќе биде домашниот хип хоп артист Страјк.

LF-t

Lord Finesse е еден од архитектите и основоположниците на њујоршката хип хоп сцена. Легендарен MC, дел од култните D.I.T.C. (Diggin’in the crates). Заедно со Big L, Fat Joe, O.C., Show & A.G. и Buckwild, го дефинира њујоршкиот звук во 90-те, има 3 соло изданија како артист, 3 албуми со D.I.T.C. и безброј проекти во соработка со други артисти.

Како продуцент има работено на неколку од најкултните хип хоп изданија: Dr. Dre – 2001, Notorious B.I.G. – Ready to Die, Big L – Lifestylez of da poor and dangerous, O.C. – Jewelz, Terror Squad и многу други.
Меѓу другото, Lord Finesse е и њујоршка диџеј легенда , одличен техничар и селектор, кој активно настапува со свои сетови во клубови и фестивали низ целиот свет. Како дел од Фанки Фреш серијалот, за првпат ке се појави пред македонската хип хоп публика.

Домашна поддршка ќе биде еден од најеминентните ликови во македонскиот хип хоп – Страјк. Емси, диџеј и продуцент, со своите два соло албума „Кутија” и “Земен Рај” и работата со СТР2 и Легијата, Страјк го има изградено својот статус како неизоставен дел од македонската хип хоп сцена.

Влезниците по цена од 200 денари во претпродажба (300 денари на самиот настан) од денес ќе можете да ги набавите на билетарата на Младинскиот Културен Центар во Скопје, како и во продажната мрежа на MkTickets.

 


LF_p

Три билборди надвор од Ебинг, Мисури
режија: Martin McDonagh

20.01.2018

Тргнувајќи од славниот цитат на Маршал МекЛуан, „Медиумот е порака“, сценаристот и режисер Мартин МекДона во своето ново остварување „Три билборди надвор од Ебинг, Мисури“, ...

Холивудска приказна: Star wars, прости!

09.01.2018

Четириесет години по премиерата на првиот филм, односно, четвртата епизода од сагата „Војна на ѕвездите“ на Џорџ Лукас, и нешто помалку години од почетокот на ...