Се отвора „Артикултура“, првата кафе-бар/задруга кај нас

[ ]

Вечерва во Битола е на повидок ново артикултурно катче – задругата „Артикултура“ која во своите определби најавува грижна нега за домашната алтернативна култура. На отворањето на задругата ќе настапат Funk Shui и Фолтин.

Z-A-P

Целта на оваа инцијатива е преку здружување на поединци во форма на задруга, да креира место, простор, социјален центар – кое ќе ја негува алтернативната култура во градот, од музика, свирки, до организирање на најразлични настани и размена на знаења.
Артикултура не е оптоварена со бркање на профит, туку се очекува да бида самоодржлива. Задругата, како хоризонтално поставена организација, ги става целите на заедницата пред целите на нејзините членови. Секој член на задругата има еден глас и еднакво право да учествува во донесувањето на одлуките. Дури и самите вработени со време ќе станат членови на задругата, а со тоа ќе имаат еднакви права со сите останати.
Идејата и концептот на Артикултура е местото да биде заедничко и сите заеднички да допринесат да успее ова ново збиралиште на прогресивната младина, место каде ќе се разменуваат идеи, знаења, мислења, каде ќе се дружи, дискутира, место каде ќе можат да најдат истомисленици и заеднички да се креираат нови иницијативи кои ќе ги делат истите вредности. Со взаемно помагање. Со разбирање. Без авторитети и хиерархија.

Вечерва во 22 часот на отворањето на Артикултура ќе свират Funk Shui и Фолтин. Клубот ќе можете да го најдете на адреса „Браќа Мингови“ бр. 7.

 


Have you tried love for change?

04.06.2018

Тумороид… Што претставува тумороидот? Некаква надеж? Проекција на нечие тело во иднината или тоа е едноставно слеп патник што присуствува на скопска свадба? (забрането ми ...

Политиката како дијалог на глуви или лоши судбински проценки
кон „Брегот на Утопија“ Бродолом

04.06.2018

Кон вториот дел од трилогијата на Том Стопард „Брегот на Утопија“ (Бродолом); режија: Алексеј Бородин, улоги: Илја Исаев, Денис Шведов, Нели Уварова, Алексеј Мјасников, Евгениј ...