Шарлагедон/SharlaGetOn

[ ]

Независната музичка издавачка куќа Шарла вечерва во кафе барот Ла Кања со почеток во 21 часот ќе го промовира своето 12-то албумско издание, Разни Изведувачи – Шарлагедон/SharlaGetOn.

RI-SH1

Се работи за компилација (или популарно кажано label sampler) која содржи 10 композиции од бендови и артисти кои последниве 3 ипол години работат под издавачките закрила на Шарла. Еден вид продукциски отчет со кој Шарла заокружува еден издавачки циклус, а воедно најавува нов со почеток од септември. Имено, на овој компилациски пресек освен неколку добропознати песни од минати изданија, се наоѓаат и бендови и артисти чии следни албуми и ЕП-ја се најавуваат преку нивното учество овде. Таков е случајот со соработката меѓу Телемама и Пиколомини во песната Аника, како и официјалното деби издание на Кло кое треба да се појави оваа есен. Тука се и некои нови соло артисти и side проекти, како и неколку нумери од овогодинешните изданија на Mammoth & Yashem и Нискоградба.

Разни Изведувачи – Шарлагедон/SharlaGetOn може бесплатно да се превземе од bandcamp профилот на Шарла почнувајќи од вечерва во 20 часот.

RI-SH

23.04.2018

„Пази што посакуваш“ од Норм Фостер, сцена Академија 28, Белград. Режија: Јана Маричиќ, продуцент: Андрија Милошевиќ, улоги: Александра Томиќ, Радован Вујовиќ и Александар Радојичиќ.    ...

21.04.2018

По успехот со „Панкот не е мртов“ (2011), кој освојуваше награди на светските фестивали и беше одлично примен од филмофилите, Владимир Блажевски во 2016 година ...