Аналогна авантура на „МакеДокс“ - Работилница за камера опскура

[ ]

На еден месец пред почетокот на осмото издание на фестивалот на креативен документарен филм, МакеДокс ве повикува да се пријавите на работилницата на која ќе се играте со самите почетоци на визуелниот запис. Накусо ќе се запознаете со основните теориски поставки на камера опскура, сами ќе изработувате фотоапарати и ќе правите фотографии со нив. Дел од нив дури и ќе бидат изложени. Ќе ја истражувате визуелната нарација, ослободена од технолошкиот товар.

Makedox Kamera Opskura 2017

Работилницата ќе ја води Сашо Н. Алушевски со дел од секцијата за фото и видео на МакеДокс. Ќе се случува преку ден во текот на три фестивалски дена, во траење од најмалку три часа дневно. Бројката на учесници е ограничена на 16, возраста на учесниците не е. Како предност ќе се смета секое фотографско искуство, особено со аналогна фотографија.

Напишете кусо мотивациско писмо – кажете им на МакеДокс нешто за себе и зошто би сакале да учествувате на работилницата – и испратете им го на photo.makedox@gmail.com најдоцна до 20 јули 2017 година.

Осмото издание на Фестивалот на креативен документарен филм МакеДокс ќе се одржи од 19 до 25 август 2017 година во Скопје.

 

Идеалистичко патување низ анархистичка Русија

21.05.2018

Кон првиот дел од трилогијата „Брегот на Утопија“ (Патување), Берег утопии. Часть 1. Путешествие, од Том Стопард во режија на Алексеј Бородин, во изведба на Рускиот ...

10.05.2018

Еминентната писателка Кица Колбе, добитничката на престижната награда „Роман на годината“ во 2006 за „Снегот во Казабланка“, деновиве ни подари нов, возбудлив роман, насловен „Земја ...