Land промоција на албумот 'If...', Sweet Rapscallions и Демек во МКЦ

7 септември 2017 МКЦ Скопје

[ ]

Во Младинскиот културен центар во Скопје на 7-ми септември ќе се одржи концертна промоција на албумот “If…” на битолското дуо Land. Гости на концертот на Land ќе бидат Sweet Rapscallions и Демек.

LAND@MKC

Land /некогаш познати како Green Grass Dreams/ е поп проект на Доне Скендеров и Петар Пепи Георгиевски со еклектичен битолски поп маниризам зачнат во „годината на осамостојувањето“ Во февруари 1991, со ритам машина и гитара на касетофон во локалното студио на Миодраг Нечак – Микс ги снимаат своите први 4 песни, по кои следат готово хистерични јавни хвалоспеви и настапи во државата, како и на проминентните Трот фест и Кумановскиот летен фестивал. 1998 го менуваат името во Land и во истотот студио го снимаат своето деби издание кое никогаш не било официјално издадено, сè до 2-ри септември годинава кога ќе доживее свое премиерно обелоденување. Егземпларот на битолската поп музиката од 90-те се враќа само за оваа прилика на 7-ми септември во МКЦ да го претстави својот деби албум “If…”.

Sweet Rapscallions e музички бенд и фиктивна колективна приказна во која главните ликови се нарекуваат Епиеми. Негуваат уникатен музички стил инспириран од авангардните движења во популарната музика од доцните 70-ти и раните 80-ти години на минатиот век со тенденции кои се преплетуваат меѓу фолклорот и (ретро)футуризмот. Се работи за состав со автентично мрачен романтичарски израз сместен во вешто исткаен амбиент од битови, теми и семплови во кои пулсира атмосферата на дваесеттиот век од неснимените соништа на Кафка преку ноар филмовите, па сè до industrial и avant-pop естетиката. Sweet Rapscallions имаат две официјални изданија за независната етикета Шарла од Скопје – EP, “EP I AM” – Април 2014 и LP, “Stereo Memory – Live at Kanal 103″ – Февруари 2017, снимен на музичката емисија „Ако никој не свири“. Приказната на Епиемите продолжува да се развива како и самиот бенд.
На 7-ми септември ќе настапат засилени со бас гитарист во постава: Дејан Петровиќ – вокал/синтисајзер, Дамјан Грујо – тапани и Мирче Пејковски – бас.

Експерименталното дуо Демек ќе настапи во изненадувачка постава претставувајќи ја нивната нова аудио-пиеса „Натемаго“.

Билет по цена од 150 денари во продажба преку продажната мрежа на МК Тикетс и на Билетарница МКЦ.

05.09.2017

  Do it Again / Holy Ghost Someone great / LCD Soundsystem Transient Program For Drums and Machinery / Soulwax Anymore / Goldfrapp Intermezzo II (Interstellar Funk Remix) ...

26.08.2017

Спојлер: Понесете си марамчиња и врзете го појасот, ве чека бура од смеа и емоции.   Мал плац на периферијата во Неготино е центарот на ...