Legowelt

Crystal Cult 2080

Кога ќе го видите/чуете Legowelt како зборува за својата опрема за музичка продукција (што ја има буквално на тони), ќе си помислите дека станува збор за тотален geek/nerd што обожава аналогни синтиетизатори на звук и од носачите на звук му се омилени касети?!  Можеби со право, можеби не, ама едно е јасно: Danny Wolfers a.k.a. Legowelt е гениј.

Уште од средината на деведесетите до почетокот на двеилјадитите, под големо влијание на чикашкиот хаус и помалку на детроитското технно, Danny кралуваше на електро сцената. Познавачите на електрото од тоа време најверојатно се сеќаваат на мегахитчињата Visions Fade, Sturmvogel или Discorout. Подоцна, во втората половина на двеилјадитите, Legowelt влезе во фаза на хиперпродукција (осум лонгплеј плочи ѕа 6 години) на Techno, Acid, амбиентална и експериментална електроника. Danny Wolfers има уште 30-тина алиаси и заеднички проекти со други продуценти. Има издадено 10 албуми (знаеме дека албумите не се чести во електрониката) и прближно 30 синглови и EP-ја. И секако има своја издавачка куќа со име Strange Life, за која, покрај современите носачи на звук издава и на музички касети.

Legowelt

Последниот албум Crystal Cult 2080 го носи името на еден од почудните и ретки Roland JV-2080 синтетизатори на звук. Да е се уште поинтересно, сајзерот во траките е употребуван во комбинација со германиумски кристален компресор ?!!, којшто Danny го направил сам, а тоа го прават само nerd-ови : ). Една работа само не ми е јасна, како успеал на крај да добие толку лоша конечна продукција/мастеринг. Не дека е баш лоша, но стандардите на денешната продукција на електронска музика ми се чинат доста повисоки.

Без разлика на сé, генијот на Legowelt доаѓа до израз кога ќе се препуштите 100% на 12-те траки на албумот. Ова е задолжително, бидејќи стилот е претежно дарк техно, кој не е баш за секој стомак. Стилот не му е многу променет од последниот албум од 2012 и на некој ќе му заличи како на техното од раните 90-ти. Но всушност не е, бидејќи по не-знам-кој-пат Legowelt има идеја како да го надгради. Има и неколку траки што не се толку темни, ама весели мелодии нема сигурно да чуете. Danny користи и премногу реверби што ионака trippy звукот го прават уште по-deep.

Од омилените траки сепак ќе одвојам две од попозитивните: Fundamental Superstition, Experimental Awakening, како и нешто многу одлепено ама толку добро што мислиш дека му ги чуствуваш маките на тој што ги пренел во музиката, ремек делото се вика Psychotic endurance.

На тие со појак стомак, за вистинско уживање, препорачувам да го слушнат непрекинато миксот Кесма микса Legowelt.

Кесма микса Legowelt by Kritikamk on Mixcloud