2/5 BZ

NO Exotic

S_K

Serhat Koksal aka 2/5 BZ е истанбулски mish-mash DJ, продуцент, аудиовизуелен реставратор, радио водител… и уште нешто малку повеќе од тоа – сериозен критичар на културните клишеа на Ориентот и Западот. Дискографски полнолетниот Коксал и после толку години на европската сцена успева да ја пронајде свежината на „новите“ медиуми на NO Exotic албумот (со извонредно ДВД издание во пакет). Со репутација на cut-up монтажер, Коксал во неговиот нов аудиовизуелен концепт NO Touristik NO Exotic се поигрува со современите придобивки на масовната култура – поп музиката, фолклорот, кичот, митовите… ставајќи ги во див синеастички микс од дадаистички размери. Коксал ги (ре)афирмира турските Б-филмови и со мала помош на електрониката создава кошмарно убедлива плоча за слусање. Со пријатна доза на хумор.
Во судирот на блискоисточните вредности, 2/5 BZ отворено ја сугерира политичката, историската и социјалната стварност на Истанбул, па и пошироко. На своја, а и наша среќа, Серхат не се вклопува во стандардниот профил на диџеј и продуцент. Избегнувајќи ја типичната four-on-the-floor ритмика, Коксал прибегнува кон „комплицираните“ колажи. Стилски, ова е сосема неопределена територија, иако евроазиските емоции се интерпретирани во секоја секунда од албумот. NO Exotic го содржи и легендарниот Peel session од 2003-та со воведните зборови на John: “Мојата омилена музика од Турција“. Албумот не престанува да скокотка со својот истражувачки дух и практично се слуша во еден здив. Ова е, секако екстремна музичка понуда од Блискиот Исток. Но, блиска за уши.

Саша Павловиќ, plagij.at 2007

Европската вожња на скопската линија
Кон фестивалот Cinedays 9-19 ноември

24.11.2017

Од 9 до 19 ноември, во организација на Младинскиот културен центар се одржа 16-то издание на меѓународниот фестивал на европски филм Cinedays. Овогодинешното мото на фестивалот ...

21.11.2017

На затворањето на „Синедејс“ во неделата се случи македонската премиера на „Исцелител“, дебитантското остварување на режисерот Ѓорче Ставревски, кој по долгогодишна работа на ова негово ...