Bernays Propaganda со промоција на EP-то „Ништо нема да нè раздели“

19 декември 2018 Ап(о)тека 12:00

Bernays Propaganda го најавуваат новото EP издание „Ништо нема да нè раздели“ со слушачка прес-промоција која ќе се случи на 19 декември во продавницата за плочи Ап(о)тека во Младинскиот културен центар во Скопје.

Презентер на промоцијата ќе биде Тошо Филиповски, авторот на Македонската рок енциклопедија.
Проширеното издание на „Ништо нема да нè раздели“ содржи 3 песни снимени во Studio 1060 со новата постава која покрај Кристина Горовска, Васко Атанасоски и Дени Крстев е засилена со Раде Јордановски и Кристијан Лафазановски, а како гости се појавуваат Тони Китановски и Mike Watt.
EP-то излегува на 12 декември за Moonlee RecordsGeenger RecordsPop Depresija и Балкан Велики како најава за новиот албум „Втора младост, трета светска војна“.