Ozric Tentacles за првпат во Македонија

Skopje Dance Festival и de:sonanz festival, поддржани од Back To The Rituals, Btkrsh, Distant Point и Aura Records, ви го најавуваат гостувањето на легендарниот британски бенд Ozric Tentacles, за првпат во Македонија

O_T

Се раѓаат за време на фестивалот Stonehenge Free Festival во 1983 година кога синтизајзеристот Joie Hinton налетува на браќата Еd Wynne (гитара) и Roly Wynne (бас), кои настапуваат во бендот под името Bolshem People заедно со тапанарот на Jamiroquai, Nick Van Gelder. Од таа нивна прва средба произлегува прекрасна музичка соработка која и денес е заштитен знак на Ozric Tentacles.

Зад себе имаат 21 студиски албум, неколку албуми во живо, синглови и ЕП изданија, а нивната музика се појавува и на голем број компилации.

Прогресив-рок бендот Project RNL од Тел Авив ќе биде задолжен за загревање на публиката пред настапот на Ozric Tentacles, а вечерта ќе ја отвори нашиот продуцент Tengri.

Подгответе се за едно ново астрално патување, во еден сосема друг свет, во простори каде ниту еден друг бенд претходно не се осмелил да истражува.

Младински културен центар, 3 март 2016, 20 часот. Инфо за влезници наскоро.