Ем бука, ем ука

[од чикашките тротоари] More Gorgeous

Приказната на More Gorgeous започнува во 2013 кога, тогаш четворката, Alex Brittain, Ace Valentine, Taylor Wells и Peter Binggeser, го самоиздаваат првенецот Escape from terror beach. Под влијание на Buzzcocks, Swervedriver, тие објавуваат песни во стилот на британскиот пост-панк со нагласени shoegazer гитари.

Вокалот на Алекс, сфатен како омаж, е со лажен англиски акцент, слично на стилот на Billie Joe Armstrong од Green Day. Некои од песните имаат епска димензија со чувство за допадлива мелодија, резултат на трудот на Питер, кој го бои звукот со своите гитари и електронски ефекти. Две години подоцна Питер не е во составот и More Gorgeous ни се претставуваат како моќно трио со нов звук. Бесни и гласни во Mortgages тие не се ни обидуваат да се допаднат. И покрај сета брзина и бука тие никогаш не го губат своето чувство за добра поп песна. Албумот е мастериран од Bob Weston, познат по својата соработка со Mission of Burma, Shellac, како и работата на In Utero на Nirvana.
Тројката на Alex Oliver, Jason Poe и Taylor Wells продолжуваат со својот бунт против политичката состојба во САД, комерцијализмот на музичката сцена под стегите на Тејлор Свифт и Спотифај. Резултатот е дигиталното издание на Wormtoe на платформата на Бендкамп. Wormtoe може да го оцениме како своевиден спој на музичките стилови на претходните два албума. Ем бука, ем ука.
Нашите херои работат на нивниот нов албум, кој се очекува да излезе ова лето. Дотогаш на Бендкамп може да ги слушаме Winter Demos ‘20.